Ardo hau verdejo barietateko mahatsarekin egina dago % 100en eta Ruedako udalerrian dagoen Montico izeneko inguru batean dugun mahasti zahar batetik dator. Eremu hori Ruedako verdejo ardoei kalitaterik handiena emateko gai den lur harritsu, elkor eta errekarriz beterikoa da. Produkzioa oso mugatua dago, 5.000 kg hektareako gutxi gorabehera, eta mahats-bilketa eskuz egiten da 25 kg inguruko edukiera duten kutxak erabiliz. Upeltegira iristean, mahatsa hoztu eta pixka bat prentsatzen da, mahatsa jo eta txortenak kendu gabe.
Mahats-mordo osoak prentsatuz, muztioaren oxidazioa ahalik eta gehien mugatzen da eta haren intentsitate aromatiko guztia ukitu gabe mantentzen da.
Horrela jario-muztio bat lortzen da, errendimendu txikikoa baina kalitate bikainekoa. Ondoren, muztioari hondarra garbitzen zaio edo pixka bat dekantatzen da eta hartzitze-biltegira eramaten da, non legamia autoktonoekin bakarrik hartzitzen den. Berezitasun horrek pertsonalitate aromatiko handiagoa eta originaltasuna ematen dizkio ardoari. Hartzidura amaitzean, lehen ontzialdaketa baten ondoren, ardoa bere liga finekin kontaktuan uzten da, lau hilabetez gutxienez. Liga edo legamia-hondar inerte horiek, esekiduran jartzen dira, astean behin gutxienez. Denborarekin ligak zenbait konposatu askatzen
doaz eta, horrela, gorputza, gantzutasuna eta konplexutasuna handitzen eta egonkortasun aromatikoa hobetzen dute ardoa botilan dagoen bitartean. Ardo zuri horiek, upelean hartzituta ez badaude ere, luzaroago mantentzen dira fresko eta gazte. 2008ko uztak prezipitazio ugariak izan ditu ezaugarri: 394 litro/m2.
Urritik martxora metatutako negu-euriek (175 litro/m2) behar adinako
erreserba hidrikoa utzi zuten eta, horrek, kimu indartsuak eta
homogeneoak ateratzea eragin zuen. Kimuak normaltasunez garatu ziren, apirileko tenperatura leunei eta udaberrian batere izozterik ez egoteari esker. Maiatzean, hotzak eta prezipitazio ugariek loraketa eta ziklo begetatiboa atzeratu zituzten. Loraketan, tenperatura baxuek eta
etengabeko euriek zenbait lore-galtze arazo sortu zituzten, batez ere
verdejo barietatean. Horren ondorioz hektarea bakoitzeko
errendimenduak % 35 murriztu dira. Uztaila eta abuztua hilabete fresko, lehor eta eguzkitsuak izan ziren eta landareek ez zuten ia estres hidrikorik izan, udaberriko euri ugariei esker. Tenperatura baxuek mahatsa beranduago umotzea eragin zuten eta, ondorioz, mahats-bilketa azken urteetan baino beranduago egin zen. Abuztuaren bukaera eta irailaren erdialdea bitarteko tenperatura leunek mahatsa hobeto eta polikiago umotzea ahalbidetu zuten eta muztio fresko eta aromatikoak eskuratu ziren. Mahats-bilketa normaltasunez garatu zen eta mahatsaren osasunegoera bikaina izan zen. Verdejo barietateak, bere azal lodi eta gogorrari esker, oso ondo jasan zuen urriko euri ugariek sortutako usteldura. Ardo zuriek intentsitate aromatiko bikaina dute, azidotasuna oso ona da eta alkohol-graduazioa neurritsua, beraz botila barruko eboluzio ezin hobea bermatuta dago. Ahoan bolumen eta iraunkortasun handia dute, produkzio-errendimenduak murriztu izanari esker. Kolore hori-berdexkako ardoa da. Sudurrean verdejo barietatearen aroma nabarmena du, intentsitate ertainekoa. Mihiluaren, belar finen, lore zurien, udarearen eta mertxikaren ukituak ditu. Ahoan koipetsua, freskoa eta oso gantzatsua da eta amaiera luzea eta biribila du. Azidotasun onari eta bere liga finenekin batera ontzen uzteari esker, denboran fresko mantenduko da eta bere konplexutasun aromatiko guztia gordeko du.
Ardo honek ez du sudur barruan lehertzeko helburua, aitzitik izaera
barietalago, lirainago eta konplexuago bat du. Mahats-bilketatik 24-30
hilabete igarotakoan ere har daitezkeen ardoak dira. |
|
Language